Caft ta admiti cu presupuesto 2017 ta cumpli cu norma

ORANJESTAD - Caft ta admiti cu presupuesto 2017 ta cumpli cu norma stipula. Uzando un cita di e rapport emiti dia 8 di februari 2017 di e colegio di supervision financiero di Aruba (CAft), prome minister Mike Eman den un conferencia di prensa 'extraordinario' a splica cu su gabinete a cumpli cu e meta di e ley di CAft. Publicando e siguiente frase di e rapport "Caft ta di opinion cu e toelichting, Aruba a cumpli cu e norma di articulo 14 lid 2 LAFt cu ta indica cu e deficit di e sector colectivo pa 2017, ta cumpli cu e norma di 0.5%", Eman a sigura cu a cumpli asina. E rapport completo sinembargo no a keda presenta y ta keda pendiente. "E tarea final ta si un presupuesto cu gobierno presenta, ta cumpli cu e norma segun ley" prome minister Eman a bisa. "Un miho rapport bo no por a haya" Eman a bisa su colega minister Angel Bermudez diahuebs mainta.