Ex D.O.W. ta bira oficina 'nobo' di turismo

ORANJESTAD - Actualmente ta den deliberacion cu Aruba Tourism Authority cumpra e edificio di ex-DOW riba L.G. Smith Boulevard. Si tur cos bay bon, e aña aki mes ta cuminsa cu su restauracion. Desicion pa esaki a cay awe den conseho di minister di Aruba. E localidad ta uno excelente pa e oficina di turismo, ya cu ta dilanti di waf di crucero, den centro di ciudad y riba e caminda principal pa hotelnan. Di e manera aki, otro edificio cu hopi hende tabata pendiente di kico lo para di dje, tambe ta bay conoce un solucion beneficioso pa nos pais, segun un comunicado di gobierno.