Amos Balentien ta gana Tumba na Corsou, Rocco ta sali # 3!

WILLEMSTAD - Corsou a conoce su Rey di Tumba 2017 diasabra marduga den Curacao Festival Center. Amos Balentien cu su tumba 'Rementé man'é den SUBT' a wordo acompaña pa e banda Dejavu. Su propio banda Gentz a opta pa no participa e aña aki, cu a pone cu e mester a 'shop' around pa por a haya un banda. Finalmente ela keda cla cu e banda Dejavu, cu ta consisti grandemente di ex integrantenan di Gio Fuertisimo. Aruba tambe a luci ora cu Roderick "Rocco" Franken a sali na di 3 lugar cu sigur ta un logro increibel pa un Arubiano. Ela participa cu e tumba "E Lomba" y a participa cu e banda Buleria. Den oranan di diasabra merdia, prome minister Mike Eman a manda un palabra di felicitacion pa Franken, pa su logro impresionante. Wak e tumba ganador AKI. Y wak e tumba di Rocco Franken AKI. E raportahe aki ta traha cu cooperacion di Glenn Thomas y Jan Poets Show.  Foto ta di archivo di noticiacla.com di festival di tumba Corsou 2016.