Tres homber ta atraca señora na su cas na Montaña

ORANJESTAD - Pa 9or di awe mainta un señora a yega warda di Shaba y ta declara cu un rato prome elo mester a ser atraca na su appartament na Montaña.  E señora tawata saliendo di cas pa bay den su auto na unda su dos yui chikitonan ta y e la wordo sorprendi pa 3 hende homber. Un di nan ta habla spaño y cu un arma di candela. Dos di e tres hombernan a bay paden cu e señora y a cuminsa pidi'e pa placa. Mientras cu e imagen di e relato aki ta mustra un homber arma cu cara tapa, den e caso aki particular, e caranan no tabata tapa.  Nan lo a bay cu placa, yojas y un paar di articulo di fo'i di e apartament. Nan lo mester a huy den un auto color blanco.  Atraco team y slachtoffer hulp a yega na warda y polis technico a bay na e apartament pa haci nan investigacion. Ken cu por a wak algo yama tiplijn 11141.