Joran 6 luna den e prison notorio

LIMA - Joran van der Sloot ta keda por lo menos 6 luna sera dene e prison notorio Challapalca como parti di su castigo. Esey un vocero di e autoridad di prison INPE a laga sa. “No ta solamente e asunto di a gare cu telefon ta e problema, sino su comportacion a bay atras” e vocero ta sigui bisa. 

Joran van der Sloot a drenta den un welga di hamber, 4 dia despues cu e la keda traslada pa un prison notorio den sur di Peru. Vd Sloot ta protestando e traslado aki, y tambe a haya un video cu e la traha pa proteha su mes (wak e video aki) . Tabata diasabra marduga siman pasa ora cu Joran van der Sloot a keda traslada pa e prison notorio Challapalcagne den e parti halto sur na Peru, cu ta na frontera cu Bolivia. Motibo di e traslado (cu a sosode for di 3’or di marduga di diasabra segun fuentenan a confirma na NoticiaCla.com) ta pasobra a gara vd Sloot pa di dos biaha cu un telefon celular den su cel. E abogado Maximo Altez a confirma na prensa internacional. “Wordo gara cu un telefon den cel, ta considera como un delito “ Alteza a bisa. Como tal e la haya un castigo disciplinario y esey ta su traslado. “Mi lo haci tur posibel pa e wordo traslada bek pa e prison unda cu e tabata”. Vd Sloot ta sintando un castigo di 28 aña di prison pa asesinato di Stephanie Flores na 20010. E problema di e prison no ta cu e ta mas peligroso, sino cu e distancia ta hopi lew pa eventual bishita. Y awor cu casa recien Leidy ta na estado y ta cla pa duna luz otro luna, e por ta un problema. E ta tambe sospechoso den caso di desaparicion di e mericano Natalee Holloway na Aruba na mei di 2005. Nunca mas a haya Holloway, y vd Sloot ta sigui como un sospechoso den e caso.