Hits100FM a firma pa 5 aña pa programa The 70’s y 80’s

ORANJESTAD -  Gerencia di 100.9 Hits100FM a cera contract cu famia di Casey Kasem -Premier networks pa haya e derechonan pa e programanan di The 70’s y the 80’s pa e isla di Aruba. Ya pa varios aña caba e programa su vercion di the 80’s ta pasando tur diasabra y diadomingo na dicho emisora, sinembargo ultimamente Retro su trend ta bek, por nota hasta cambio den modanan di bisti awor ta den estilo di “The 70’s” y hasta “The 60’s”. riba peticion di oyentenan di e emisora gerencia a haci un peticion na Premier Networks cual ta ser maneha pa yiunan di Casey Kasem pa haya derecho riba e programanan di “The 70’s”. Sinembargo net na momento di negocacion Casey Kasem mes cu tabata sufri di Parkinson a fayece y mester a warda un periodo pasa prome cu por a cuminsa papia riba e programanan atrobe. Hasta Hits100 no tabata sigur su e programanan lo continua. Sinembargo dialuna noticia a drenta cu nan a otorga e derechonan pa dicho programa sigui exclusimamente na 100.9-Hits100FM. Ayera mes e contractnan a ser firma y asina entrante luna di September nos lo por scucha tur diasabra cuminsando pa 11 or di mainta The 70’s y tur diadomingo the 80’s. E programa ta gosa di un sintonia grandi y tanto localmente como di nos bishitantenan y awor pa 5 aña e programanan ta sigura. Director di e emisora Sr. Aldrich Croes a comenta cu di e forma aki nan por complace cu e gran cantidad di audiencia cu a pidi pa e musica di e periodo aki y presenta pa Casey Kasem den forma original.