Seis sospechoso deteni den caso atraco arma La Estrella

ORANJESTAD - Riba diabierna ultimo Polis a detene seis sospechoso relaciona cu e investigacion di e atraco arma riba La Estrella na Certified Mega Mall na Oranjestad. Asina vocero di ministerio publico a confirma diaranson mainta pa medio di un comunicado. Ta trata di cinco hende homber y un hende muher. Tres sospechoso a wordo deteni na airport mes diabierna. 

E atraco a tuma lugar riba diasabra 14 di januari di e aña aki, ora dos homber arma cu cara cu no tabata tapa a drenta e joyeria. Nan a tene e personal di e tienda bou tiro, mientras cu e atracadornan a haci e showcasenan bashi. E investigacion, bou guia di fiscal di Husticia, ta andando ainda. No ta exclui mas detencion.