Pasaheronan rabia a rebeldia pa buelo di InselAir na Corsou

WILLEMSTAD - Polis mester drenta den accion pa restablece orden na aeropuerto na Corsou awe ora cu pasaheronan di InselAir a cuminsa 'vandalisa' e lugar cu tiramento di e.o. muebles. Por a nota cu polis y seguridad tabatin nan man yen cu e situacion y unda cu te hasta detencion a cay. A compronde cu ta trata di pasaheronan Spaño cu a rabia ora cu un buelo (un di e poconan) cu por a bula (6 avion di e flota di jet ta na tera ainda) y tabata gescheduled, no a aparece. Pasaheronan a bira razo y cuminsa tira cu parti di muebles, segun testigonan ocular a informa representante di NOS na Corsou, Dick Drayer. Cu asistencia di polis, mester a purba restablece orden y polis a keda eynan pa controla e situacion. Tabatin detencion tambe durante e intervencion di polis. Ora cu e portal aki a tuma contacto cu gerencia di InselAir na Corsou, nan a informa cu nan no tabata na altura di e situacion. Mira e video (cortesia Dick Drayer/NOS) aki. Fotonan y informacion cortesia Dick Drayer/NOS.