Total 31 partido inscribi pa eleccion na Hulanda na maart

DEN HAAG - Un total di 31 partido a inscribi pa participa na e proximo eleccion na Hulanda na maart proximo. Inicialmente e cantidad tabata 81, pero segun Kiesraad, ta 31 so a entrega nan lista di candidato dialuna. Pues mitar no ta participa mas. Varios partido tin fayo pa cual nan tin te dia 3 di februari pa asina por regla nan discrepancianan. Pa por participa na e eleccion un partido nobo mester paga 11.250 Euro y nan ta haya esaki bek si durante eleccion, nan logra 75% di e kiesdeler. Ademas mester tin firma di sosten, pero esey ta solamente pa esnan cu no a haya asiento den e ultimo eleccion. Na 2012 total di 21 partido a participa siendo cu ta 48 a registra. E hecho cu tin maximo 31 partido, ta haci cu no lo mester bin cu un diseño nobo pa e plania di votacion (stembiljet). 

PARTIDONAN CU TA PARTICIPA

E partidonan cu ta participa ta lo siguiente:

- VVD

- PvdA

- PVV 

- SP

- CDA

- D66

- ChristenUnie

- GroenLinks

- SGP

- Partij voor de Dieren

- 50Plus

- Denk

- MenS en Spirit/Basisinkomen Partij/V-R

- Forum voor Democratie

- Vrijzinnige Partij

- Ondernemers Partij

- GeenPeil

- Niet Stemmers

- Lokaal in de Kamer

- VNL (VoorNederland)

- Vrouwen Partij (VP)

- Libertarische Partij (LP)

- Respect

- Nieuwe Wegen

- De Burger Beweging

- StemNL

- Vrije Democratische Partij (VDP)

- Trots op Nederland (Trots)

- Piratenpartij

- Jezus Leeft

- Artikel 1