Beslag riba mas di un miyon Euro riba propiedad di criminal di droga

ORANJESTAD - Autoridad na Aruba a detene un Hulandes di 66 aña siman pasa, relaciona cu un invitacion di FIOD y polis riba labamento di placa, fraude di impuesto, falsificacion di firma, y solicitud di beneficio uzando documento falsifica. E sospechoso a keda entrega awe na Hulanda. A pone beslag riba un miyon Euro mientrastanto entre Aruba como na Hulanda.   

E Hulandes di 66 aña ta propietario di un compleho di apartamento na Aruba. Banda di esey, e ta doño di un cas na Hulanda, y ambos (tanto e apartamentonan y e cas ta gehuurd). A compronde cu e sospechoso tabata biba den un di e apartamentonan. E sospecho ta cu e bienes a wordo cumpra cu fondo adkeri di forma criminal y cu asina tabata 'laba' e placa aki adkeri ilegal. Banda di esey ta sospecha e persona di a comete fraude di impuesto y a haci peticion pa un beneficio (uitkering) uzando salarisslip falso. Na1994 e sospechoso a wordo sentencia caba pa traficacion di droga. E tempo ey ela haya un castigo di 2 aña y mey y un multa.  

BESLAG RIBA PROPIEDAD 

Polis na Aruba, FIOT (FIOD di Aruba) y ministerio publico a haci un entrada na un compleho di apartamento dia 23 di januari, unda cu a pone man riba e administracion y tambe placa di huur y bienes. E sospechoso a keda deteni den su apartamento y Hulanda a pidi autoridad di Aruba pa extradite pa Hulanda.

RELACION DI TRABOU

E investigacion penal ta wordo ehecuta pa un asina yama 'CombiTeam'. Esey ta un cooperacion di polis y FIOD.  E combiteam ta dirigi riba e combinacion di crimen organisa y labamento di placa pa medio di structura financiero. Pa e labamento di placa, tin mester di facilitadornan, manera servicio financiero y oficina di trust. Ta papia tambe di courier di placa of un asina yama 'stroman'. Ta trata di criminalidad cu ta atacha e integridad di e mundo baho di criminalidad y esun normal. E ta wordo maneha (e combiteam) pa parket local y funcional. Texto saca textualmente di OM Hulanda