Hombernan arma a atraca famia den cas na Washington

ORANJESTAD - Siman a bolbe habri cu caso di atraco na Aruba. Vocero suplente di polis Liliana Rasmijn a confirma pa NoticiaCla.com cu pa mas of menos 10:30 awe mainta Central di Polis a haya un yamada di un atraco na un cas na Washington. Patruya a yega di biaha y na unda ta topa cu e meneer doño di cas y e ta conta cu e tawata pafo di su cas y bayendo paden dos homber color scur bisti cu t-shirt preto y jeans blauw  lo mester a bin riba dje cu un arma di candela . Nuin di dos tawata tin cara tapa. Eynan e atracadornan a ceranan den un camber e y su señora cu nan yui chikito y a reboltea full e cas . A bai cu cellular y laptop. No ta sigur si nan a hui na pia of den auto. Patruya nan di K9, RRT y otro patruya di Noord a cuminsa cu buskeda di biaha den vecindario. Atraco team a presenta na e sitio y tambe slachtoffer hulp. Ken cu por a wak algo, yama tiplijn di polis 11141.