Polis investigando caso di hincamento na altura di Pacifico Restaurant

ORANJESTAD - Polis ta investigando un caso di un hoben hinca na altura di Pacifico Restaurant. Vocero suplente di polis Liliana Rasmijn a confirma pa NoticiaCla.com cu pa 21:03 di awe diadomingo anochi Central a haya un yamada cu lo tin un hoben hinca na altura di Dr Schaepmanstraat na San Nicolaas. Patruya a yega di biaha y a bin topa enberdad cu un hoben hinca. Informacion te awo ta cu nan lo mester a bringa cu ne y hinc'e na altura di Pacifico Restaurant. Ela core y yega na un cas na Dr Schaepmanstraat y na unda polis a wordo yama. Ambulance a yega na e sitio di e susedido y a bay cu e hoben INSAM. E hoben tin un hinca na su zij banda robes. E caso ta den man di Recherche di districto di San Nicolaas. Slachtoffer hulp tambe a ser poni na altura. E hoben su situacion ta stabiel. Ken cu por a wak algo yama tiplijn di polis cu ta 11141.