Caba actividad di mucha prome cu 9'or di anochi den carnaval

ORANJESTAD - Minister di enseñansa Michelle Hooyboer Winklaar kier pa tur actividad di mucha den carnaval termina prome cu 9'or di anochi. Asina e mandatario ta manda bisa organisacion SMAC den un carta diadomingo. E problema cu e mandatario tin, ta cu e actividadnan ta cabando mucho laat y esaki ta refleha den e actitud di e muchanan e siguiente dia(nan) na scol. 

COLABORACION

Mientras cu e mandatario no a 'ordena' esaki como un exigencia, ela pidi si pa 'cooperacion pa haci tur loke ta posibel'. "Si tin cualkier forma cu nos por yuda cu esaki, por fabor tuma contacto cu mi chief of staff" e mandatario ta sigui bisa den su carta. 

ACTIVIDAD TA CABA LAAT

E mandatario ta referi na varios actividad cu ultimo añanan ta cabando laat, mientras cu e ta uno netamente di mucha. Entre nan tabata esun mas recien di eleccion di Reina unda cu tabatin 'apenas' 8 participante parti den dos certamen, cu a cuminsa 7:30pm y caba despues di mey anochi. Lesa e carta aki.