Bista fotografico di Tumba Festival 2017 di Aruba

Posted on 1/29/2017, 1:58 PM AST | Updated on 1/29/2017, 2:21 PM AST

ORANJESTAD - Manera cu NoticiaCla.com a raporta caba, Jerrino “Bass” Ridderstap cu su Tumba a keda corona como nos Rey di Tumba di e di 47 Festival di Tumba Aruba y asina ta retene su titulo!

Hende riba hende por a mira diasabra anochi den Aruba Entertainment Center.  Despues di a trek lot riba stage anochi trempan, fanaticada y fanfaria a yega cerca pa asina prepara pa apoya nan Tumberonan y Bandanan preferi.

Algo pasa di 8’or e prome Tumba a resona y a asina duna inicio na un anochi completo di Tumbanan di caliber halto batayando contra otro.  Hurado no tabata tin un tarea facil, pero na final di anochi a yega na nan conclusion.

Jerrino “Bass” Ridderstap – D’liscious Richard “Tattoo” Quandt – Zeta Band Maryanne Rodriguez - Buleria Jurick Salomon – D’Liscious Jeffrey Kelly – Robert y su Solo Banda Show

Rookie of the Year: Franksjen Vos

Banda uniforma: Robert y su Solo Banda Show

Mihor trahe: Richard Tattoo Quandt

Rookie of the Year: Franksjen Vos

SMAC ta manda pabien na Rey di Tumba Carnaval 63, tur e finalistanan, y demas participantenan cu a sa di aporta na nos Carnaval den grandi cu nan Tumabanan. 

Ta gradici e Comision di Tumba, tur boluntario, prensa y e publico carnavalesco cu a sali masalmente pa apoya e cantantenan diasabra anochi.