Dos homber arma ta atraca famia den cas na Tanki Leendert

ORANJESTAD - Aruba ta conoce otro caso di atraco den fin di siman. Pa mas o menos 23:55 un atraco lo mester a tuma luga na Tanki Leendert. Centrale post ta haya yamada di Alarm Centrale bisando cu un yamada a drenta cerca nan di un atraco.

Na yegada di patruya ta bin topa cu e famia na unda doño di cas ta conta con nan tabata sinta den nan sala y porta habri, ora cu dos homber habla spaño cara tapa ta drenta e cas cu un arma y cuminsa pidi pa placa.  Un di nan a dal un di e personanan cu e cabo di arma den su cabes.  Un ta bisti na flanel oranje y jeans e otro ta tin flanel cora y jeans tambe.  Nan  lo  bay cu 5 telefoon cellular  joyas y un cartera. Nan a  bay na pia direccion zuid.  Ambulance a yega na e cas y a trata e hoben y a opta pa hib'e hospital pa check up.  Atraco team conhuntamente cu polis technico y slachtoffer hulp a presenta na e sitio di e sucedido. Ken cu por a wak algo, yama tiplijn 11141.