Pasahero cu a yega for di Aruba, deteni na aeropuerto di New York

NEW YORK - Un pasahero Mericano despues di a desaborda un buelo di Aruba diaranson, a keda aresta pa ataca un trahado musulman di un aeroliña na aeropuerto di New York. El a scop e dama y grita vulgaridad den direccion di e dama, gritando entre otro cu presidente Donald Trump lo 'deshaci di boso tur', segun version di polis na e aeropeurto. 

YEGA FOR DI ARUBA

E fiscal di oficina di fiscal di Queens Richard Brown a bisa cu e pasahero (Robin Rhodes) a yega di Aruba y tabata wardando pa conecta riba un avion pa Massachusetts, ora cu ela acerca un trahado di Delta Airlines. E dama, Rabeeya Khan, tabatin un hijab bisti (paña cu ta tapa e parti di cabez di e dama), mientras cu e tabata sinta den su oficina. Rhodes a yega na e porta di e oficina y puntra e dama si e tabata resa. Rhodes despues a skop e porta cu a dal e parti patras di e stul di e dama. Ora cu e dama a puntra Rhodes kico el a haci, Rhodes a bise 'nada'. Ey ela sigui pa insulta e dama y skop e den su pia. 

Ora cu un otro persona a purba di calma e homber, Rhodes a sali di e porta y Khan a sali na careda tambe. Rhodes a sigui, bay riba rudia y a cuminsa imita e forma di resa di musulman, gritando insultonan. Polis a detene Rhodes na final. Ela wordo acusa di asalto, encarcelacion contra ley, menasa y acoso como crimen di odio.