Ling and Sons a celebra Dia di Betico

ORANJESTAD - Ling and Sons IGA Supercenter a celebra Dia di Betico ofreciendo clientenan un menu special den e siman di Dia di Betico y sorprendiendo un y tur presente cu bishita di caha di orgel di Sra. Glenda Tromp. Pa Ling and Sons tawata un honor di por tin Sra Glenda den supermercado pa asina brinda clientenan local tanto como nos turistanan un tiki di nos dushi cultura di Aruba. Ademas di presentacion di caha di orgel Ling and Sons a ricibi bishita di Chaz dancers cu a presenta bunita baile di musica tipico di Aruba. 

E grupo forma pa muchanan hoben y chikito a pone ambiente den tienda ora di a presenta nan baile y lo ta presente un bes mas diasabra merdia na Ling and Sons pa otro evento cu e supermercado tin na caminda. 

AÑA CHINES

Diasabra awo 28 di januari Ling and Sons lo ta celebrando e anja nobo chines cu diferente actividad den tienda. 

E take away buffet lo ta ofreciendo un menu special cu cuminda Chines. Lo tin tastings na e area di buffet y tambe na e area di carniceria. 

Manera menciona e grupo di baile chaz dancers lo presenta un bunita baile inspira pa e famoso dragon dance den celebracion di e aña nobo Chines. 

Como un supermercado conoci pa su diversidad di producto di tur parti mundo, Ling and Sons ta invita tur cliente pa bin celebra e aña nobo chines y asina presencia un “shopping experience” diferente na cualkier otro supermercado na Aruba. 

Y no lubida di registra pa bo Vip card. Mas bo shop, mas punto bo ta colecta y mas punto bo tin pa shop bek den bo supermercado #1, Ling and Sons. 

Pa mas informacion bishita website lingandsons.com of Facebook page Facebook.com/lingandsons