Aruba ta recorda fecha natalicio Betico Croes

ORANJESTAD - Tur cos ta cla pa Aruba celebra otro Dia di Betico, den varios forma manera cu nos isla ta custumbra di haci. Manera ta custumber, tin e acostumbrado actividadnan social henter dia y tambe e actonan protocolario. Dia di Betico ta recorda su fecha natalicio. Y si Betico tabata na bida, e lo a cumpli 79 aña diaranson awor. Pero lamentablemente Betico a fayece ya na un edad hopi hoben di apenas 48 aña na 1986. 

CELEBRACION FAMILIAR

Riba e fecha aki mientras cu Aruba ta celebra esaki den diferente forma, tin e famia directo di Betico cu tin nan forma di 'celebra esaki'. " Nos ta celebr'e den e calor y refugio di famia, pasobra aunke mas di 30 aña a pasa e ta keda un dia emocional y di sentimentonan mixto" yiu mayor di Betico Croes efm, Gisette Croes a bisa NoticiaCla.com. " Despues nos ta clausura e dia riba Plaza Libertador Betico Croes" e ta finalisa bisando. 

Pa esnan cu ta busca caminda pa celebra esaki, NoticiaCla.com tin dos diferente calendar pa e fecha aki. Tin e manifestacion cultural riba Plaza Libertador Betico Croes AKI. Y pa e programa di actividad durante dia, por acudi AKI.