Dos homber arma ta tira atraco na San Nicolas

SAN NICOLAS - Dos persona a tira atraco riba un homber na San Nicolas dialuna anochi. Vocero policial Liliana Rasmijn a confirma cu pa mas o menos 21:45 Central di polis a haya yamada di alarm centrale cu un atraco lo mester a tuma luga riba un hende homber na Sint Peterhillweg.  Na yegada di patruya a bin haya un hende homber benta abou y tur na sanger. E prome melding a bisa cu nan lo mester a tira e meneer, pero esey no tawata e caso. E meneer tawata tin sla na cabez. Parce cu e 2 homber lo mester a dal e cu un obheto duro na su cabez dos pa tres biaha y a ranca su zijtas y bai cu ne.  E dos hombernan no a papia nada y tawata hopi scur y e no por wak nan bon. Un auto pasando eybanda a para pa yuda e meneer y un di e dos malechornan a los dos tiro den laira. Patruya a cuminsa cu un buskeda, pero no a topa cu nan. Atraco team a presenta tambe polis forensico y tambe slachtoffer hulp. Ken cu por a wak algo yama tiplijn 11141.