Chauffeurnan di truck a enfrenta minister Bermudez

ORANJESTAD - Chauffeurnan di truck a topa minister di Finanza Angel Bermudez unda cu nan a inform'e di nan preocupacion pa e cambio di pago di nummerplaat. A compronde cu a entrega un manifiesto tambe na e mandatario. 

E PROTESTA

Manera anticipa, un grupo di chauffeur di truck a protesta dialuna mainta dilanti bestuurskantoor, door di blokia e caminda. Esaki ta pa mustra nan malcontento pa e cambio di ley pa paga belasting di number di auto den un solo biaha. A reuni mainta prome un caminda, y despues a mobilisa pa Bestuurskantoor. No ta conoci con largo esaki lo ta y si enberdad nan lo blokia otro camindanan tambe manera cu a keda anticipa.