Hyatt Place ta opera e Airport hotel y Business Center

ORANJESTAD - Aruba ta haya su prome hotel Hyatt Place den di tres cuartal di 2018. E anuncio oficial a bin diabierna ultimo na ocasion di e groundbreaking di e 'Hyatt Place Aruba Airport l & Business Center '. E desaroyo di Hyatt den Caribe tabata hopi importante den e Americas. "E enfoke tabata crece den area unda cu nos cliente realmente kier bay. Aruba ta un di e destinacionan ey" Camilo Bolanos, e representante a bisa. A mustra cu e compleho lo ta uno integra cu varios otro proyecto. 

HYATT MUNDIAL

Actualmente tin mas di 270 hotel Hyatt Place rond mundo, di cual gran parti ta ubica den Latino America den destinonan Manera Brazil, Mexico Puerto Rico, Costa Rica y Nicaragua. "Nos tin un proyeccion di crecemento di Hyatt Place den Latino America hopi grandi" Bolanos a sigui bisa. 

EXITO DI HYATT PLACE

Segun Bolanos, e exito di e marca ta cu nan ta studia kico e biahero kier. E atributo ta basa riba e extenso conocemento y opinion y abito di e consumidor. Esaki a determina cu nan kier experiencia, elegante y comodo sin complicacion cu ta adapta na nan rutina y estilo di bida. "Nos ta trata di entrega un producto cu ta wordo demanda, pero mes momento ta un integracion mucho mas personalisa entre e personal di e hotel y e cliente". E ta ofrece servicio hotelero informal, y den un forma diseña diferente. E aña aki Hyatt ta celebra su di 60 aniversario, for di tempo cu a habri e prome hotel na Los Angeles California. Awe nan ta opera 12 marca defini bou di perfil diferente pero cu un ambito comun; cuida e persona pa na e miho ora nan ta cu Hyatt.