Trahadonan ta resa pa mantencion Clinica Taams

WILLEMSTAD – Na prome instancia ta mustra manera no tin masha ta pasa na clínika Taams. Tin un rei di pashent na recepcion, enfermero i medico ta kana riba e tereno i e salanan di espera ta yen. Si bo sigui kana bai e departamento di medium care bo ta ripara cu a kita tur pañ’é cama. Henter e banda ei di e edificio ta bashi.


Fatalidad ta drif manera un nubia preto riba e hospital priva aki. Ya pa añanan largo Klínika Taams ta traha cu perdida, pero awor malestar a bira asina pisa cu nan a perde nan ‘goodwill’ serca banconan i suministradonan. Ainda no a paga e 176 trahadonan e luna aki. “Mi ta bira masha tristu, mi ke sigui crece na Clinica Taams, nos ta trahando duro na nos calidadnan”, cordinado di cuido Sabrina Christina ta bisa.


Enfermera Ruthmila di e departamento di medium care tambe ta emocional. “Esaki ta nos pan. Corsou su comunidad ta grandi, nos ta un brasa di hospital grandi, un hospital so no ta basta.” Tur dos e enfermeranan tin miedu ku e calidad di cuido lo bai atras i cu lo bini listanan di espera mas largo.


Tenementu di buki


Coromoto Maria, presidente di e sindicato di cuido CBV ta bisa cu Taams su problemanan ta falta di nan propio directiva. Lo a graps placa. Kardiólogo Arthur Liqui Lung, miembro di directiva ta bisa cu for di e bukinan a sali cu directiva no a koi placa sino a hinca placa aden. Actualmente tin un investigacion ta core. “Ultimo añanan nos mes no a haña salario di Taams. E problema finansiero di e klínika ta ku diestres aña largu no a subi e tarifanan.”

 Tarifanan


Direktor médiko Earl Esseboom no ta komprondé nada di e argumento. Taams komo organisashon privá mes mester mira pa nan solushoná nan problemanan. Ku e tarifanan obligatorio di gobièrnu bo no por hasi mashá, e ta bisa. “Diestres aña kaba Klínika Taams mester kobra e mésun tarifanan, miéntras ku e gastunan di kuido si a oumentá den e tempu ei. Ta un situashon insoportabel ku pa añanan kaba ta papia di dje i ta rekonos’é, ma no ta solushon’é”, Esseboom ta bisa .

E departamentu di medium care kaminda tin pashènt ku mester di hopi kuido, a sera

 
Novèmber último a subi e tarifanan di operashon di wowo despues ku e klínika a menasá di para e tipo di operashon aki. “Di repente e ora ei sí nos por a subi e tarifanan aki, i ku esaki gobièrnu bon mirá ta indiká ku e tarifa tur e añanan ei tabata muchu abou. Nos no por kalkulá ku forsa retroaktivo i e pèrdidanan ta sinta den e forsa retroaktivo aki.” Esseboom ta spera ku durante e Konseho di Ministernan djarason lo primintí ayudo. “Si no tin trahadó den kas nos no tin otro moda di hasi, nos mester sera.”

 
Lista di espera mas largu


Seramentu lo ta hopi malu pa kuido Liqui Lung ta bisa. “Pa e pashèntnan poliklíniko tin lista di espera kaba. Urologia, ortopedia i neurologia tin un lista di espera di lunanan. Si bo wak e pashèntnan klíniko, no tin sufisiente espasio pa atmishon. E kapasidat di Sehos i Advent no ta basta segun mi. Lo bini un problema mas grandi ainda ora nos bai Hòspital Nobo, ku tin tiki kama. Esaki lo nifiká lista di espera mas largu, mas mandamentu afó pa kuido médiko i un baimentu atras di kalidat di kuido.”  
Minister Ben Whiteman di Salubridat no tabata alkansabel pa komentario

For di Ret Karibense :  
autor y foto  Anneke Polak