Curpa di dama Haitiano posiblemente venena a wordo duna liber

ORANJESTAD - E curpa di e dama Haitiano cu a fayece despues di bebe juice, a wordo duna liber. Vocero di ministerio publico Ann Angela a confirma esey pa NoticiaCla.com diahuebs mainta. "Durante e autopsia di ayera, a stel veilig monsters di sanger y weefsels. Nan lo wordo manda NFI, cu lo haci investigacion na e vraag si señora a wordo en berdad duna veneno pa bebe" Angela a bisa. 

AUTOPSIA

Angela a repasa e caso, recordando cu e dama di edad a fayece dia 12 di januari ultimo na hospital. Manera e portal aki a informa anteriormente, e dama despues di e suseso a wordo hiba prome clinica na San Nicolas, y djey ela bay den coma. Dokternan a bin for di Colombia y a stabilis'e, pa despues  viaha cu ne pa Colombia. E señora a recupera bastante na Colombia y a bolbe bek hospital di Aruba. Pero lamentablemente despues e dama a fayece na hospital.  Mientrastanto e investigacion di Nederlands Forensisch Instituut (NFI) lo tuma su tempo, y simultaneamente na Aruba e investigacion riba e sospecho di e venenamento ta sigui full swing.