A inaugura tereno nobo pa training k-9

Minister di Husticia mr. Arthur Dowers a presencia un ceremonia unda cu a haci entrega di diploma na miembronan di Interne Bijstands Team(IBT); certificacion di Surveillance Combina di KPA y KIA y inauguracion di e tereno nobo cu ta sirbi pa training di unidad di K-9.

Minister Dowers a recorda e prome grupo cu a participa den e opleiding cu a demostra cu e Interne Bijstands Team a demostra nan importancia den funcionamento den KIA pa cual a sigui cu e opleiding y e di dos grupo awor a finalisa nan parti di e curso. Na mesun momento e mandataro a felicita director di KIA, Mando Policial y tambe e docentenan pa e tremendo cooperacion cu a wordo duna pa logra organisa e cursonan menciona.

 Dowers na e ocasion aki a manda un mensahe cu a capta atencion di esnan presente. "E no ta solamente un tarea di educa y bay cumpli cu e trabou, pero tambe boso tin e responsabilidad pa carga e filosofia aki den bista publico. Solamente si nos logra keda hunto, nos por sigui educa, forma y "upgrade". El a recorda nan cu loke nan a siña awe ta cambia den algun tempo y cada un mester keda al tempo cu e formacion. "Nos por haci esey unicamente si nos hacie hunto," el a enfatisa.