Romano: Areglo pa taxista, autobus y v-car pa pago di number 2017

ORANJESTAD - E grupo di automobilista cu no tin plachi (A), tin un areglo special balido solamente pa e aña aki. Asina vocero di departamento di impuesto Meverly Romano a sigura durante un conferencia di prensa. E ta resolve tambe e keho den comunidad cu e cambio di ley aki (paga den un solo bes) a cay duro pa e grupo di persona manera taxista y chaufeur di autobus. Pa taxi of autobus of v-car (no A), nan mester paga e number den un solo tiro, pero como cu awor e ley a caba di pasa, gerencia di departamento di impuesto, ta duna aprobacion na e clientenan aki pa nan por wordo permiti pa paga esaki den 2 biaha den 2017. "E ta conta solamente si pa 2017. E ta un maneho flexibel cu e departamento kier mantene, debi cu e ta algo nobo y cu e cliente no a spera y ta cuadra cu e flexibilidad den cambio di ley. "Asina e por custumbra cu e tin cu paga su belasting den un solo biaha".