Anochi Informativo di workshop 'Ik Leer Leren' di doc Opleidingen

ORANJESTAD - 18 di Januari DOC Opleidingen Huiswerkinstituut lo tin un anochi informativo pa mayornan cu e topico di e workshop “Ik Leer Leren” bow guia di un StudieCoach certifica. Cu e workshop aki muchanan lo descubri tur cos over di nan mesun manera di siña, planea y organisa, sobrepasa nan ansiedad di faya, concentrashon  y motivashon. E workshop ta brinda e studiante joven herment pa por siña di un manera mas fasil y mas eficiente. Cu otro palabra: muchanan ta siña con pa siña. 

E preguntanan cu mayornan di e muchanan cu a registra pa e workshop ta por ejempel: 

“Nos no ta logra saca e mihor di nos yiu”

“Mi yiu tin problema di concentrashon”

“Mi yiu tin ansiedad di faya”

“Na cas ta bai hopi bon, pero na school e ta lubida tur cos”

E workshop ta pa muchanan den zesde klas como un preparashon pa middelbare school, pa brugklassers cu no por custumbra ainda cu sistema di middelbare school, y joven den voortgezet onderwijs cu ta haya dificil pa studia riba nan mes. 

E workshop di “Ik Leer Leren” ta wordo duna den grupo di max 10 mucha y ta consisti di 6 session di un ora y mei cada un. Cada session tin su thema y tin momentonan di actividad y di descanso. Hunto cu e Studiecoach certifica,  e muchanan ta siña conose nan mesun manera y strategia pa siña mihor. Cada session ta clausura cu un leerplan y actividad pa yuda esaki. Asina siñamento no ta bira solamente mas fasil pero tambe mas leuk. E ultimo session ta un terugkomdag caminda por comparti experiencia di otro con e siñamento a resulta y con a aplica e tips pa siña mihor.

E diferencia entre huiswerkbegeleiding y e workshop di “Ik Leer Leren” ta cu na e workshop ta siña mucha kiko nan mester pa por studia mihor. Huiswerkbegeleiding ta enfoca riba e contenido di e lesmateriaal, y “Ik Leer Leren” ta enfoca riba CON pa siña. Esey ta hasi e workshop aki unico den su categoria. Ya durante e workshop muchanan ta cuminsa presta mihor na school y nan ta studia mas mihor.

Pa mas informashon tocante e info avond of e workshop mes por tuma contact door di yama 588-0541, bay riba Facebook di doc Opleidingen Huiswerkinstituut of manda un email pa info@docopleidingen.com 

Tambe por bishita e website www.ikleerleren.nl. of wak e video riba http://www.youtube.com/watch?v=OuqaB9pJ424&feature=youtu.be