Preventief fouilleren durante Carnaval 63 na San Nicolas

ORANJESTAD - Ministerio Publico y Cuerpo Policial di Aruba ta informa cu Polis lo ristra preventivamente (preventief fouilleren) durante henter Carnaval riba posesion di arma di candela na San Nicolas. 

E autorizacion pa preventief fouilleren ta cubri e siguiente actividadnan Carnavalesco: 

Diadomingo 15 di januari 2017 di 12’or di merdia pa 12’or di anochi

Diasabra 21 di januari 2017 di 6’or di atardi pa diadomingo 22 di januari 2017 pa 6’or di mainta 

Diadomingo 29 di januari 2017 di 4’or di atardi pa dialuna 30 di januari 2017 pa 4’or di madruga

Diamars 31 di januari 2017 di 4’or di atardi pa diaranzon prome di februari 2017 pa 4’or di madruga

Diaranzon prome di februari 2017 di 4’or di atardi pa diahuebs 2 di februari 2017 pa 4’or di madruga

Diahuebs 2 di februari 2017 di 4’or di atardi pa diabierna 3 di februari 2017 pa 4’or di madruga

Diasabra 4 di februari 2017 di 6’or di atardi pa diadomingo 5 di februari 2017 pa 6’or di mainta 

Diasabra 18 di februari 2017 di mey di anochi (00’or di madruga) pa diadomingo 19 di februari 2017 pa 12’or di merdia

Diadomingo 19 di februari 2017 di 12’or di merdia pa 12’or di anochi 

Diabierna 24 di februari 2017 di 6’or di atardi pa diasabra 25 di februari 2017 pa 6’or di mainta 

Diasabra 25 di februari 2017 di 6’or di mainta pa 12’or di anochi. 

Den cuadro di preventief fouilleren pa posesion di arma, Polis ta autoriza pa para hende na un manera arbitrario, y ristra nan na nan paña. Ademas Polis ta autoriza pa busca pa arma den autonan y otro vehiculonan. Polis ta autoriza tambe pa pidi pa tasnan, rugzaknan, cahanan y otro pakinan wordo habri pa ristra den nan pa arma.

Ministerio Publico a autoriza Polis pa por haci esaki, y na su turno, Ministerio Publico a pidi e autorizacion aki na Huez-Comisario.