Hopi interes di prensa internacional pa yegada Miss Aruba na Filipinas

FILIPINAS - Miss Aruba Charlene Leslie a yega Filipinas diabierna mainta 5:30 despues di a bula mas cu 30 ora. Na su yegada nos reina a wordo ricibi pa un grupo grandi di prensa cu tabata ansioso pa sa mas di Charlene y a puntra hopi tocante su profesion como Dietista y pa duna nan conseho con pa hiba un bida mas saludabel. Ademas nan tabata hopi interesa den loke e ta spera di e certamen na Filipinas. Miss Aruba ta comparti camber cu Miss Barbados. Por cierto nos Miss Aruba tin famia cu ta biba na Barbados, pues sigur tin hopi cu nan lo comparti cu otro durante e certamen.

Den e siguiente clip por mira Aruba su yegada na Filipinas.