CAft no ta kere cu Gobierno lo cumpli cu norma pa 2017

ORANJESTAD - No ta mustra cu Gobierno lo cumpli cu e norma di deficit pa 2017 manera stipula pa e ley di Laft. Asina e colegio di supervision financiero di Aruba (CAft) ta bisa den un carta fecha 11 di januari 2017 como reaccion riba e presupuesto di 2017. Un biaha mas e reaccion di e colegio tin problema cu falta di informacion di parti di gobierno. Y esey ta pone cu ta dificil pa e colegio por duna cierto comentario y conseho concreto. Basa riba esey, e colegio ta ordena gobierno pa riba termino corto, duna mas informacion riba un 5 punto.  

PUNTONAN DI CLARIFICACION

Entre nan, e splicacion di e aumento di e entrada presupuesta di loonbelasting cu 15% relaciona cu e presupuesto 2016, y cu 25% relaciona cu e entrada real realisa den 2015. 

Tambe kier splicacion di e aumento di e entrada presupuesta di BBO cu 11% relaciona cu e presupuesto di 2016 y e 33% relaciona cu e entrada real realisa di 2015. 

Tambe kier e transformacion di e efectonan di e reapertura di e refineria manera presenta den e analisis di impacto y risico. 

Loke tambe nan kier ta pa mira e reciente provision di e saldo di financiamento di tur entidad di e sector colectivo. Y finalmente e splicacion di e aumento substancial di e entrada di belasting den e presupuesto plurianual. Keda pendiente pa mas analisis di CAft. Lesa e analisis completo aki.