Ayudo pa victima di violencia den Caribe Hulandes posibel

KRALENDIJK - Famia di victimanan di violencia den Caribe Hulandes den futruro tambe por bin na remarke pa un compensacion di e asina yama Schadefonds Geweldsmisdrijven. Asina e minister di husticia di Hulanda Ard Van der Steur a bisa durante su bishita na Bonaire diahuebs. "Cu esaki a tuma un paso importante pa tambe mehora e situacion di victimanan den Caribe Hulandes" e mandatario a bisa. E mandatario lo adapta e ley pa expande e ayudo, y ta spera cu e ley por drenta na vigor den 2018. 

E fondo menciona a keda funda pa yuda victima of nan famia di resultado di crimen violento cu a sufri un herida serio. Cu e fondo, e ta yuda e famia of victima cu ayudo financiero. E culpabel di e crimen ta keda primordialmente responsabel pa indemnisacion di e daño, pero si e victima no ta logra haya esaki via e culpabel, e por haya ayudo di e fondo menciona. Te awor, e fondo ta solamente disponibel pa victimanan na Hulanda. Foto y storia cortesia Bonaire.nu