Miss Aruba Charlene Leslie a sali rumbo pa Miss Universe

ORANJESTAD – Nos Miss Aruba, Srta. Charlene Leslie a sali for di Aeropuerto Internacional Reina Beatrix rumbo pa Manaus, Filipinas unda cu e certamen mundial mas importante lo tuma lugar dia 29 di januari 2017. E hoben Dietista profesional di 24 aña di edad a keda elegi como nos representante pa Miss Universe den luna di augustus 2016 y desde e dia ey e no a para keto. Charlene a sigui un preparacion basta extenso aki na Aruba mes y a wordo guia pa varios profesional cu a dedica oras na e preparacion digno pa un reina universal. Entre otro Charlene a wordo prepara den e area di proyeccion, pasarela, actitud, fotografia, estilismo, makiyahe, cabey, cultura, public speaking, actuacion y sigur a traha riba su apariencia fisico. Un bentaha grandi cu nos reina tin ta su estatura di 1.82 meter, pues e lo sa di saca mas probecho posibel di dje pa asina laga mustra su personalidad y carisma.

Durante e dianan nos dilanti nos lo sigui duna mas informacion y update di nos reina cu a sali riba un plan di buelo di mas cu 30 ora pa por yega Filipinas. Danki na Ayrton Tromp pa e potret di nos representante.