DOWERS: No a wordo aserca pa funcion di director HOH ainda

ORANJESTAD – Si bin un oferta of peticion pa e bira director di hospital, e titular di husticia Arthur Dowers lo evalua esaki. E mandatario a confirma dialuna mainta na NoticiaCla.com cu e ta interesa den cualkier funcion unda cu e por duna su aporte, pero no a bisa specificamente si e ta referi na e funcion maximo di hospital. E la confirma cu den pasado, durante e directiva anterior e la wordo aserca pa e funcion ey, pero a opta pa cumpli cu su termino como minister, durante e ultimo gabinete Mike Eman. Keda pendiente pa mas informacion riba e topico aki