Vesprey: Carnaval posibel pero participacion Idols ta prioridad

Vesprey: Carnaval posibel pero participacion Idols ta prioridad

Posted on 01/5/2017 9:10 am AST | Updated on 01/5/2017 10:18 am AST

HAARLEM - E strea di carnaval 2016, esta 'Buddy' lo no profila den e carnaval di 2017 na Aruba. Jair Vesprey (e nomber real di Buddy), tin otro plan e aña aki cu ta obstaculisa su presentacion den e temporada aki. No ta descarta sinembargo cu e por presenta ainda e temporada aki, pero no cu 'Nfuzion, y no mes activo cu aña pasa. E cantante di e monster hit carnavalesco di aña pasa esta "Inside the thing" su participacion na e programa musical Idols na Hulanda, ta e motibo principal pa su posibel ausencia na Aruba. Aña pasa, mientras cu no tabatin Caiso y Roadmarch contest, e tema canta pa 'Buddy' a practicamente bira e 'roadmarch' y 'roadjam' di aña pa hopi.

IDOLS 

Buddy ta studiando International Music Management na Haarlem, pues su enfoke principal ta riba estudio awor aki. Pero riba insistencia di su pareha, a dicidi di participa na e concurso fama Hulandes Idols. "For di hopi tempo mi partner tabata encurasha mi pa participa den "The Voice" of un programa similar, pa uza e platform aki pa launch mi carera musical internacional" Buddy a splica NoticiaCla.com. "Ami mes no tabata un fan di e idea mirando cu mi a yega di participa caba den un show similar, cual tabata X Factor na 2013, y mi no a beneficia mucho di dje. Pero mi partner a keda insisti, mi a give-in, and here we are!". Y si tabatin cualkier duda den su talento, e inscripcion a kita esaki. "E proceso di inscripcion ta uno facil. Unico cos cu mester haci ta yena bo datos  personal y link un video caminda bo ta cantando y/of performing. Den mi caso, mi a manda e link di "Inside The Thing" 2am y ya pa 9or di e siguiente mainta mi a haya un invitacion pa bin haci e "pre-audition", Buddy a sigui splica. 

AUSENCIA NA ARUBA

Su participacion na Idols ta un di e motibonan pakico e no por ta presente tanto cu e banda cu aña pasa a dun'e e plataforma pa luci, esta 'NFuzion, pero cu cualkier otro banda. Esey no ta nifica cu elo no por t'ey, sino solamente cu e ta bira mas dificil y mas costoso."  Ta bin gasto nan extra encuanto e pasashi, mirando cu mi lo mester haci mas cu un biahe pa Aruba. Mi a trece esaki p'adilanti na e management di e banda cu mi a forma parti di dje pa tres aña caba durante e periodo di Carnaval ('Nfuzion)" Buddy a splica." E management a yega na e decision cu nan no lo cover mas cu un pasashi, mirando cu e gasto nan lo bira aun mas halto, y a pone como 'harde eis' pa mi ta presente na tur parada". Mirando e situacion cu Idols, pa cual Buddy lo mester a haci mas cu un biahe ida y buelta, e oferta aki no tabata uno realistico y a pone cu ela tuma e decision di no bay di acuerdo cu esaki. Noticiacla a puntra Buddy si e no ta bay haci falta, mirando e exito grandi cu e tabatin cu e banda y cu e cantica "Inside the thing:. E posibilidad t'ey pa mi combina tur dos, esta Carnaval y Idols. Na e momento nan aki mi ta explorando mi opcionnan cu otro banda cu si ta willing pa haci participacion den nos Carnaval posibel.

IDOLS 

E preparacionan pa Idols a cuminsa caba. De hecho, grabacion nan ta andando caba for di october y dia 1 di februari lo ta e inicio na e canal RTL 5. No ta conoci ki dia por mira Buddy presenta, pero ta keda pendiente pa anuncia esaki proximamente. Idols ta un programa di television Hulandes riba e canal RTL4, cu ta parti di e serie di Idols basa riba e programa Britanico Pop Idol. E ta un concurso pa determina e miho cantante hoben na Hulanda. Por compar'e cu programanan manera The Voice y America's Got Talent, pero den e caso aki specificamente riba cantamento. Tin varios ronda di participacion, y una bes a selecta e mihornan den e prome ronda, e ronda di 'teatro' ta cuminsa. Ta cuminsa proceso di eliminacion te ora cu un cantante keda ultimo. Otro Arubiano cu a participa tabata Roger Peterson, cu a yega hopi halto, pero despues a dicidi di hala atras pa motibonan personal.  

'NFUSSION

Di parti di 'Nfuzion, e siman aki, e director/propietario Ofo Escudero a reacciona durante e programa Aki Aya di Ruben Garcia na Power FM y a splica cu e ta lamenta e desicion, pero ta desea Buddy exito. Mes momento a corda tur hende cu mientras cu e cantante ta esun cu ta haya e fama, tin cu corda e plataforma cu ela haya cu a dun'e e posibilidad pa logra e exito cu ela haya. E ausencia di Buddy lo no stroba 'NFuzion e aña aki, y te hasta a participa cu lo tin mas persona cu lo bin pa presenta durante e temporada di carnaval.  Foto cortesia:programa Morning Power na Power FM. 

 

  • Hulanda un biaha mas a pone geschillenregeling ‘on hold’

    Hulanda un biaha mas a pone geschillenregeling ‘on hold’

    DEN HAAG – Por lo pronto Aruba, Curaçao y Sint-Maarten no por conta cu un asina yama ‘geschillenregeling’, osea un huez independiente cu por atende disputa di e islanan cu Hulanda ora cu nan ta den desacuerdo cu decisionnan tuma na Den Haag. Esaki pasobra gobierno Hulandes a pone e asunto ‘on hold’. Asina secretario di estado Hulandes pa asuntonan di Reino Raymond Knops a declara. Pa e mandatario esey no ta un prioridad awor. Su atencion awor ta pa e reconstruccion di e island di St Maarten.

  • Bosman: Placa di gas of petroleo di Aruba mester paga debe prome

    Bosman: Placa di gas of petroleo di Aruba mester paga debe prome

    DEN HAAG/ORANJESTAD  – Si Aruba haya gas of petroleo den su subsuelo, e placa cu keda genera, mester wordo uza pa paga debe pendiente. Asina parlamentario Hulandes pa VVD (gobierno na mando na Hulanda) esta Andre Bosman ta pensa. E ta relaciona su informacion basa riba informacion di kico Aruba lo mester haci cu e placa. Un discusion cu tabata den prensa recientemente na Aruba.

  • Reduccion 50% college geld na Hulanda valido pa Aruba tambe

    Reduccion 50% college geld na Hulanda valido pa Aruba tambe

    DEN HAAG/ORANJESTAD – E reduccion di 50 % den estudio (college geld) na universidad nan Hulandes durante e prome aña di estudio, ta aplicable pa studiantenan di Aruba tambe ora cu nan bay Hulanda e aña aki. Asina minister Hulandes di enseñansa Ingrid van Engelshoven a bisa. Unabez cu Eerste y Tweede Kamer aproba e cambio e ley cu ta facilidad e reduccion di ‘college geld’, studiantenan nobo lo tin cu paga mitar so di e tarifa actual den e aña academico 2018-2019. Asina e portal di St Maarten Daily Herald ta raporta.

  • A elimina prohibicion pa ambtenaarnan Hulandes bula cu InselAir

    A elimina prohibicion pa ambtenaarnan Hulandes bula cu InselAir

    DEN HAAG/ WILLEMSTAD – E prohibicion pa ambtenaarnan Hulandes bula riba avionnan di InselAir Internacional a keda revoca. Asina minister Hulandes di infrastructura van Nieuwenhuizen a declara den un carta na presidente di Tweede Kamer di Hulanda awe. Motibo ta cu e autoridadnan competente a indica cu tur e motibonan pa preocupacion a keda elimina. Esey no kier men cu no tin mas control, pero cu mas bien lo tin un control continuo si. Pero mes momento, ambtenaarnan di Reino por bula atrobe cu e aerolinea.

  • Depresion hoben den comunidad Caribense ainda ta un taboo

    Depresion hoben den comunidad Caribense ainda ta un taboo

    AMERSFOORT – Generalmente studiante di Caribe no ta busca ayudo psicologico, mientras cu hopi biaha nan mester di dje si. Esaki Jean-Marie Molina, pedagogo y docente di exito di estudio na Hogeschool di Rotterdam ta conclui pa partner di NoticiaCla, Ret Karibense. Diariamente Molina ta guia studiante na Hulanda cu retraso den nan estudio ora di caba e estudio. Entre nan tin studiante caribense tambe, pero nan hopi biaha no ta contento cu ayudo psicologico segun Molina.

  • Eerste Kamer ta reuni riba refugiado Venezolano pa Aruba y Corsou

    Eerste Kamer ta reuni riba refugiado Venezolano pa Aruba y Corsou

    DEN HAAG – Preocupacion di gobierno Hulandes riba e situacion di refugiado Venezolano na Corsou y Aruba a aumenta. Asina e periodista Rene Zwart ta raporta. Esaki ta nifica cu diamars awor Eerste Kamer di Hulanda a pone e topico riba agenda pa tratamento. E ora e comisionan di senado di Relacionan di Reino y Imigracion y Asilo ta bin hunto pa ‘discuti’ e problema.

  • Powered by SETAR