Fechanan pa e temporada di kampeer ta conoci!

Fechanan pa e temporada di kampeer ta conoci!

Posted on 01/4/2017 6:34 pm AST | Updated on 01/4/2017 9:10 pm AST

ORANJESTAD - Relaciona cu Semana Santa caminda cu ciudadanonan tin custumber di bay campa, Alto Comisario di Polis, mr. Adolfo “Dolfi” Richardson ta haci un yamada na campadonan pa tene cuenta cu e condicionnan bou di cual ta otorga e permiso. E fecha riba cual campadonan por cuminsa kampeer ta diadomingo 9 di april 2017 pa 12'or di merdia. Kiermen riba e fecha y ora stipula ta permiti pa pone trailernan y tentnan riba beach. Tur obheto poni prome cu e fecha y ora stipula lo wordo kita pa Polis. E ultimo dia di kampeer lo ta dia 23 april 2017. 

Despues di campamento tur obheto mester wordo kita for di beachnan. Si esaki NO sosode anto Polis lo kita esakinan riba gasto di e campado. Ta haci un apelacion na un y tur pa mantene nos beachnan limpi. Deposita tur desperdicionan den bari di sushi of den saconan di plastic.

Formulario pa pidi permiso pa kampeer ta obtenibel na Administracion di Polis desde dia 28 februari te cu dia 24 maart 2017 entre 8:00 am pa 11:30 am y di 1:00 pm pa 4:30 pm. Formulario ta obtenibel na tur Warda di Polis.

Tin condicionnan extra compara cu añanan anterior añadi na e permiso. Por ehempel, bou ningun circunstancia ta permiti pa haci BBQ riba e santo blanco di e beachnan, na otro parti solamente por haci B.B.Q. cu B.B.Q. pit di gas. Tentnan y trailernan cu ta wordo uza pa campa mester ta den bon condicion. Nan mester wordo poni a lo menos 10 meter di e oriya di lama y nan mester wordo poni a lo menos 5 meter for di e caminda publico.  Si Polis lo kita nan. Bou ningun forma ta permiti pa reserva tereno pa kampeer.

Tene cuenta cu tentnan, trailernan y otro obhetonan uza pa campa no por wordo poni riba otro luganan cu ta e luganan destina pa esakinan y cual luganan a wordo destina pa Gobierno. Den tentnan/trailernan mester tin suficiente recursonan pa por duna prome auxilio (E.H.B.O.). Ta prohibi pa pone obhetonan of plachinan cu no ta cuadra cu moralidad riba tent of trailernan. E campamento mester sosode conforme e condicionnan bou di cual e permiso a wordo otorga.

Ta prohibi di core cu vehiculonan di motor, bicicleta, cabay y garoshi riba nos beachnan y principalmente na luganan caminda ta destina pa publico. Ta prohibi di pega candela riba nos beachnan. Ta prohibi di bende cuminda, softdrinks, mixdrinks, of cualkier otro tipo di articulo ariba beach sin permiso. Por toca musica solamente for di den trailer of tent den siman te 10:00 pm y den weekend te 12:00 am y di tal manera cu no ta molestia otro campadonan. Ta permiti uzo di sound system/amplifiers solamente si otro campadonan no ta sinti molester di esakinan.

Ta prohibi pa kap mata, sin permiso. Tambe ta prohibi pa core cu boto y pa hancra den zwemzone, tambe ta prohibi pa mara boto na boeinan cu ta destina pa scheepvaart. Ta prohibi uzo di palet y carton riba beach, sino nan ta wordo kita door di Polis. Ta prohibi pa uza e beach of e palo di coconan como toilet. Ta prohibi pa tin cabay y cacho riba beach. Ta prohibi pa campadonan uza e hutnan pa nan campa. Mester laga e hutnan liber pa personanan cu ta bin pasa dia na lama.

Bou ningun circunstancia mag di susha e beachnan. No mag bay laga boternan kibra of splinter di glasnan atras riba beach, ni tampoco no tira esakinan den lama. Esaki ta conta pa desperdicio tambe.

No mag pasa e permiso pa otro persona. E poseedo di e permiso mester tin esaki completo den su tent/trailer na un caminda visibel pa Polis. E poseedo di e permiso mester tene cuenta cu e tin solamente derecho riba e luga di campa durante e tempo cu efectivamente e ta campando, prome cu esaki bo no mag di reserva, marca, pone cabuya, etc. E poseedo di permiso ta keda responsabel pa cualkier daño na otronan debi na existencia di su tentnan/trailer of otro obheto.

Mester sigui indicacionnan di Polis duna na interes di ordo publico y siguridad di persona, bienes y basa riba moralidad estrictamente. Esun cu no actua conforme e condicionnan bou di cual a otorga e permiso ta          wordo considera di a actua sin permiso. E permiso e ora ey ta wordo revoca y bo por haya proces-verbaal.

 

  • Grupo di scol di polis lo ta na Fishermans Hut pa nan proyecto di ‘zuil mileu’

    Grupo di scol di polis lo ta na Fishermans Hut pa nan proyecto di ‘zuil mileu’

    ORANJESTAD – Diaranson e grupo di opleidingschool cu ta bezig cu zuil milieu lo ta 8 or mainta na Fisherman’s Hut. E grupo a kies e thema Coremento/stacionamento riba beach den distrito di Noord. DOW ta bay yuda e grupo cu nan proyecto pa stop e Coremento/stacionamento riba beach den distrito di noord.

  • Polis a detene homber mesora cu a hinca otro cu sker

    Polis a detene homber mesora cu a hinca otro cu sker

    ORANJESTAD – Polis a detene un homber cu a hinca un otro persona cu un sker. Segun vocero suplente di polis Liliana Rasmijn, awe diamars pa 12:02 di merdia central di polis a haya un yamada cu un persona masculino a caba di ser hinca cu un sker dilanti un parcela na Frankenstraat na Noord .A manda patruya di biaha na e parcela unda e prome cu a yega ta polis di motor unit . Mesora a pida pa ambulance mirando cu e victima ta tin un hinca na su pecho cerca di su curason. E victima a declara ken ta e persona cu lo a hinke y inmediatamente polis a cuminsa busca e sospechoso. Un rato despues polis di noord a detene e sospechoso na un parcela na turibana.   Na e sitio di e sucedido a presenta departamento di recherche, BFTO y tambe slachtofferhulp.

  • Durante control marduga, kustsurveillance a haya arma den auto

    Durante control marduga, kustsurveillance a haya arma den auto

    ORANJESTAD - Awe diabierna madruga pa mas o menos 00:50 durante control di nos costanan door di Kustsurveillance ( polis y douane) a bin topa cu un auto staciona pariba di farro. Ta asina cu personal di kustsurveillance a bay over na controle. Pafo di e auto para ta e homber inicial H y su señora. Ta trata di un auto Kia Cerato color blanco.

  • Durante control na algun supermercado a haya kakalaca

    Durante control na algun supermercado a haya kakalaca

    ORANJESTAD - Polis di Santa Cruz recientemente a haci un control na diferente supermercado. E control ta pa mira diferente aspecto di e supermercado. Polis conhuntamente cu Economische Zaken y Volksgezondheid Dienst a subi caya pa atende cu diferente supermercado. E areanan bishita tabata Sta Cruz, Hooiberg , Seroe Biento y Cas Paloma.

  • Studiante di polis cu accion di recohe azeta di cushina

    Studiante di polis cu accion di recohe azeta di cushina

    ORANJESTAD - Un grupo di studiante di klas 2014 di Cuerpo Policial Aruba ta terminando nan estudio na Scol di Polis. Pa finalisa nan ultimo proyecto nan a haya e instruccion pa bin cu un accion tokante medio ambiente. E ultimo proyecto di presentacion ta bai di e tema di “Medio Ambiente”. E studiante nan mester por presenta un proyecto cu ta incera cuido di nos medio ambiente. Na final nan por haya nan diploma di MBO Niveau exitosamente.

  • Dos latino ta comete atraco arma na Noord

    Dos latino ta comete atraco arma na Noord

    ORANJESTAD - Un rato pasa melding a drenta via Centrale Post cu un atraco a tuma luga na un percela na Noord. Na jegada di e patruya a bin constata cu 2 hende homber, cu ta papia spaño y a hasi uso di arma di candela lo mester a comete e atraco. Atraco Team ta bayendo na e sitio. Slachtofferhulp tambe a wordo poni na altura. Cualkier informashon jama nos tiplijn 11141 libremente.

  • Powered by SETAR