Gobierno mester presenta leynan tempran e aña aki en bista di eleccion

ORANJESTAD - Gobierno lo mester percura pa presenta leynan cu tin cu ser trata promer cu eleccion tin cu drenta Parlamento, di un forma tempran. Asina e presidente di Parlamento Mervin Wyatt Ras a bisa den un comunicado na comienso di e aña aki. 

PREFERA CORE CAMPAÑA

Segun Wyatt Ras ya caba por a tende cu a ser anuncia cu cierto fraccion lo prefera di campaña cu bin reunion. E ta compronde cu en bista cu esaki ta aña di eleccion, parlamentarionan lo kier cana mas den pueblo. "Sinembargo pueblo ta paga nan tambe pa representa nan den e Parlamento" Wyatt Ras a sigui bisa. 

TENE CUENTA CU ELECCION

E presidente lo tene cuenta si cu eleccion, locual ta nifica pues cu gobierno lo mester presenta leynan cu tin cu ser trata promer cu eleccion tin cu drenta Parlamento tempran. Aki lo pone tur prioridad y intencion ta pa trata dicho leynan y pa e aña aki lo tin consulta cu e entidadnan corespondiente. 

TIPO DI LEYNAN

Pa e aña aki Wyatt-Ras ta spera banda di diferente ley cu lo tin cu ser pasa manera esun di Crèche y esun tocante Functiehuis lo atende cu reglament di orden di parlamento,  cu Codigo di Conducta di miembronan di Parlamento y otro asuntonan. Ademas e proceso di digitalisacion lo continua y lo atende cu seguridad den e edificio necesario, prome cu eleccion.