No a logra firma protocol pa resolve caso ex Aura Casino

ORANJESTAD - Contrario na e palabracion haci, e protagonistanan rond di e asunto di Ex Aura Casino no a yega na otro e siman aki pa firma un protocol y soluciona e problema laboral. Presidente di sindicato FTA Hubert Dirksz a confirma pa NoticiaCla.com cu no a logra firma protocol dia 27 manera programa, pero ta spera cu por logra esaki den comienso di aña 2017. Esey no ta kita afo cu e casino no por habri bou di maneho di e operador nobo Island Gaming. 

E SITUACION ACTUAL

Manera ta conoci, e grupo di 44 trahado a split den tres grupo. E prome ta esun di 26 cu a firma acuerdo individual cu Island Gaming pa cuminsa traha. Tin 18 cu no ta wordo firma, di cual un grupo di 10 a firma pa haya 4 luna di salario paga, contrario na e 10 luna cu tabata rekeri segun e sindicato. E resto di trahado a opta pa continua cu un caso den corte contra Island Gaming. E 26 trahadonan cu ta keda cu trabou, ta keda miembro di FTA y e compania lo reconoce e sindicato como nan representante, y e CAO lo keda uno valido. 

PLAN PA 2017

E intencion ta pa na 2017 firma e protocol aki. "Nos ta spera na prome lugar cu e casino lo habri, y nos a wordo informa cu e lo a habri bispo di pasco" Dirksz a bisa. Sinembargo nan no por a haya confirmacion cu e casino enberdad a habri, pasobra nan no tin ningun informacion riba esaki. Ta nifica cu no ta pasobra no tin protocol, cu e casino no por habri segun e sindicato.