Merca a expulsa 35 diplomatico Ruso pa metemento den eleccion Mericano

WASHINGTON - Departamento di estado Mericano a declara 35 oficial Ruso awe como persona non grata, indicando cu nan tabata opera na Merca den un forma inconsistente cu nan status diplomatico of consular y indica cu e 35 personanan aki mester bandona Merca dentro di 72 ora. Tambe nan a informa gobierno Ruso cu nan lo nenga acceso na personal Ruso na dos lugar recreacional na Merca, cu ta propiedad di gobierno Ruso. E medida aki ta parti di un respuesta 'exhaustivo' na interferencia Ruso den eleccion Mericano y na un patronchi di acoso di diplomaticonan Mericano den exterior, cu a aumenta durante e ultimo 4 añanan y sigur den e ultimo 12 lunanan. Asina tin mas motibo pa e medida anuncia awe contra Rusia. 

REACCION RUSO

Rusia a reacciona mesora indicando cu nan lo actua contra cualkier 'pasonan hostil' cu Merca lo por tuma. Ta spera cu Rusia lo responde mescos, esta pa medio di expulsion di diplomaticonan Mericano na Russia. Foto y fuente cortesia CNN.