Renaissance Aruba Resort & Casino cla pa cende su pagara traditional di fin di aña

ORANJESTAD  – Manera ta un tradition caba Renaissance Aruba Resort & Casino ta cla pa cende su grandioso pagara di fin di aña. Dicho pagara a bira parti di e celebracion como esun di mas traditional na Aruba. E pagara cu lo wordo cendi riba L.G. Smith Boulevard, ta dedica na henter e pueblo di Aruba.    

E pagara di 6 miyon tiro lo wordo cendi riba diasabra, 31 di december pa exactamente 1or di merdia. 

E pagara ta cuminsa dilanti di The Cinemas na Renaissance Marketplace y ta termina dilanti di Louis Vuitton na Renaissance Mall. 

Renaissance Aruba Resort & Casino ta manda un invitacion pa henter pueblo di Aruba pa bin celebra e clausura di aña diasabra, dia 31 di december pa admira y yama aña 2016 ayo cu e grandioso pagara aki riba ritmo di dande pa asina core cu tur e fucunan y yama aña 2017, bon bini cu yen di suerte, exito y salud. Gerencia di Renaissance.