Actriz Debbie Reynolds ta fayece un dia despues di su yiu Carrie Fisher

BEVERLY HILLS - Un dia despues cu su yiu muher Carrie Fisher a fayece, actris y cantante Debbie Reynolds a fayece. "E la bay pa ta cu Carrie" Todd Fisher, yiu homber di Reynolds a bisa. Reynolds (84) ta muri despues di a wordo hiba hospital mas prome cu urgencia. Ta indica cu ela haya un atake cardiaco tambe (manera su yiu muher) pero no ta confirma.  Reynolds a bira famoso na 1952 cu su papel di Kathy Selden den e clasico 'Singing in the Rain' cu veterano Gene Kelly. Esaki ta e aña cu mas artista y conocirnan a muri, segun comentarionan di e industria cinematografico.