Detencion di popular locutor prolonga cu 60 dia

ORANJESTAD - E sospechoso O.Jansen miho conoci como e popular DJ Mc Oz, su detencion a keda prolonga cu 60 dia awe pa hues comisario. Asina vocero di ministerio publico Ann Angela a confirma na prensa. Manera ta conoci, husticia comienso di e luna aki a detene e conocido locutor riba sospecho di a tene relacion sexual cu un menor di edad. E prolongacion di detencion ta cuadra cu loke su abogado Chris Lejuez a bisa algun tempo atras, esta cu su cliente por lo pronto ta keda deteni. 

DETENCION LARGO 

Tabata durante e noticiero NoticiaCla merdia na Power FM (porcierto unda cu e dj ta labora) cu Lejuez a confirma  cu e ta un 'zedenzaak' cu ta relata abuso sexual cu un menor. Loke ta complica e caso pa su cliente ta cu e persona a admiti cu e tabatin relacion cu e persona menos di 16 aña. "Bo por conclui for di esey cu e ta haci su mes culpabel na violacion di e ley ey" Lejuez a bisa. E detencion awor ta prolonga pues pa 60 dia.