Ex 'Señor Frog's' ta bira 'Chupitoz Shotbar' entrante mayan

ORANJESTAD - Despues cu e establecimento conoci como Señor Frog's a cera su porta abruptamente algun tempo atras, NoticiaCla.com a confirma cu e edificio entrante mayan lo bira 'Chupitoz Shotbar'. Asina un di e doñonan di e mall cu ta forma parti di e lugar, esta Maurice Neme a confirma diamars mainta pa NoticiaCla.com. Anteriormente riba nan facebook page 'ILOVEMUSICA' nan a haci e anuncio caba den fin di siman. Mientrastanto e portal aki a compronde pero no por a confirma ainda cu e franchisia di Señor Frog's mes tin intencion di bin bek y opera un establecimento bek na Aruba pero e biaha aki nan mes como doño. 

SEÑOR FROG'S

Tabata algun tempo atras cu di un dia pa otro, e trahadonan cu tabata resorta bou di e compania manehador local di e franchisia Señor Frog's, a haya nan mes para pafo, sin trabou. Esaki ora cu e doñonan a haya ordo di Señor Frog's pa cera e porta y entrega yabi. Esey a pone cu e trahadonan a keda sin trabou y mester a actua rapidamente. Desde e momento ey, e trahadonan ta 'sin trabou' den sentido cu e lugar di trabou no tabata 'existi' mas. Nan ta bringando nan lucha ainda pa haya claridad riba nan futuro. NOTA: Foto archivo di Señor Frog's. E edificio awor ta bira Chupitoz Shotbar entrante mayan.