RTL: Arma intercepta pa asesina Joran vd Sloot na Peru

LIMA - Den e prison di alta siguridad  Challapalca den Peru unda cu e Arubiano Joran vd Sloot ta cera, a intercepta dos pistool cu 48 bala. Asina e medio Hulandes RTL Boulevard ta raporta. Segun casa di vd Sloot y su abogado e armanan tabata destina pa asesina vd Sloot y asina cera e prison. 

CELBLOK DI VAN DER SLOOT

E armanan tabata den un paket di post procedente di e capital Peruano Lima, y tabata dirigi pa un di e prisoneronan, segun prensa Peruano. E prisonero lo ta deteni den e mesun seccion cu vd Sloot.  Prensa Peruano tambe a publica e potret di e armanan y municion. Nan no ta menciona nada si di un supuesto plan pa asesina vd Sloot. E prizon ta investigando kico e prisonero cu mester a ricibi e armanan, tabatin planea pa haci. Van der Sloot ta sintando un castigo di prison di 28 aña pa asesinato riba un dama Peruano. Den pasado caba e lo mester tabata blanco di un intento di asesinato, pero a resulta cu e mes lo a hinca su mes. Fuente RTL Boulevard. Foto ANP