Ivar Asjes no tin problema pa baha como premier

WILLEMSTAD - Prome minister di Corsou Ivar Asjes a acudi na e sede di e partido cu e ta forma parti di dje, Pueblo Soberano diasabra anochi durante nan reunion semanal. Aki e la haci algun declaracion pa aclarea e 'supuesto' crisis interno cu tin pa cu su actuacion recien. Entre e problemanan di partido, Asjes ta wordo acusa di a kita un ambtenar for di trabou y tambe ta perdiendo confiansa di su propio miembronan. Recientemente su propio partido a vota contra un mocion cu e la entrega pa aproba un ley. E partido a laga Asjes sa cu nan no ta contento cu su actuacion, y cu e retiro di un ambtenaar reciente, mester wordo revoca sino tin chens cu Asjes mes lo tin cu baha. Mientrastanto abogado di gobierno a conseha Asjes pa reconsidera y no tuma e paso ey.

Mientrastanto Asjes a mustra cu e no tin miedo di un posibel cambio di posicion. "Ami no por sigui bringa e lucha ku Helmin Wiels a bringa semper. Esun ku ke baha mi, nan forma nan koalishon i nan moshon. I so no tin klaridat e trapinan di gobernador ta bon konosí pa Ivar Asjes. Miedu sigur mi no tin di niun hende. For di awor tur djasabra na lugá di defendé mi ta duna oportunidat pa hendenan hasi pregunta." Asjes a bisa durante e reunion diasabra anochi na sede di PS. Hopi ta considera e situacion ainda tenso y ta spera mas problema den comienso di otro siman. Miembronan di partido sinembargo a declara cu nan no ta considera cu tin crisis y cu den pasado tabatin hopi mas 'desacuerdo' entre miembronan y cu esey ta  normal den un partido democratico. Colaboracion di Yves Cooper.