Douane: Prohibi pa importa ayaka of pan de jamon di Sur America

ORANJESTAD - Ta estrictamente prohibi pa importa carni of preparacionnan traha di carni manera “Ayaka of Pan de Jamon” cu ta bini for di Sur - y Central America ta prohibi pa drenta Aruba. 

Si tin personanan cu ta bini for di un pais di Sur- of Central America y ta trece e tipo di mercancia aki cu’ne esaki tin como consequencia cu Departamenti di Aduana lo kita e mercancia y despues entrega esaki na Vetenaire Dienst cu lo destrui e mercancia aki. 

Departamento di Aduana ta recorda tur persona biahando pa exterior y cu lo bai hasi compras di articulonan pa uso personal of negoshi pa tene cuenta cu na yegada na Aruba tin cu declara e mercancia debidamente na Aduana. Pa algun producto pa uso personal te na cierto valor ta posibel pa importa sin cu ta necesario pa paga invoerrechten. 

Na mesun momento Departamento di Aduana ta haya cu e ta necesario pa informa tur e personanan cu ta biaha pa e paisnan den e region di Sur-of Central America (Venezuela, Colombia etc) pa nan tene cuenta cu e reglanan cu tin prescribi den e ley yama “Slacht en 

Keuringsverordening”. Den e ley menciona  

Biaheronan y importadornan (di carga) mester ta conciente di e reglanan prescribi den diferente ley encuanto importacion of exportacion di mercancia of transportacion di mercancia for di Aruba cu ta rekeri un permiso y/of cu ta prohibi. Ehempel di mercancianan prohibi ta carni of preparacionnan traha di carni (ayaka, pan 

de jamon, ham), droga, remedi, mata, bestia y armanan (di candela). 

Den caso cu e biahero/ importador of exportador di carga no por presenta un permiso, Departamento di Aduana lo wanta e mercancia y esaki lo por tin como consecuencia cu e persona ta haya un multa y/of lo por wordo deteni. Alabes e mercancia lo por wordo destrui. 

Departamento di Aduana ta hasi un suplica na un y tur pa tuma bon nota di e aviso aki pa asina evita cualkier inconveniencia cu por surgi durante control di Aduana