Gobierno Hulandes cu recepcion di despedida pa ex minister Boekhoudt

DEN HAAG - E ministerio di asuntonan interno di Reino (BZK) a tene un recepcion di despedida pa minister plenipotenciario saliente Alfonso Boekhoudt diamars anochi. Normalmente ta e ministerio di e minister di Aruba mes ta haci esaki, pero e biaha aki tabatin un excepcion. Y tabata un bunita gesto como cu tabata tin hopi hende cu a y ta nifica hopi pa Aruba y reino cu por a wordo gradeci na e ocasión aki. E recepcion a tuma lugar na Escher na Den Haag. Boekhoudt tabatin oportunidad pa gradici tur trahado di Arubahuis, ATA, e ministerio di relacionan di Reino, hopi embahador, comerciantenan y e NGO's pa nan cooperacion durante e ultimo 3 añanan. Esnan cu a hiba palabra tabata Minister Ronald Plasterk, Hans Biesheuvel, y obviamente Boekhoudt. E tabata un bunita manera pa gradici esnan cu tabata tin un curason pa Aruba durante Boekhoudt su periodo na Hulanda.