Qredits, un iniciativa di gobierno y sector priva ta bay traha cu banconan local

ORANJESTAD- Siman pasa Ministernan Eman y Arends a firma un acuerdo cu institucion Qredits, un fundacion non profit cu tin como meta yuda entreprenuers y start ups cu kier cuminsa nan propio negoshi. E diferencia entre un banco comercial y Qredits ta cu contrario na un banco e fundacion no ta exigi un garantia y ta coach e entrepreneur nobo riba e caminda di exito. E financiamento cu Qredits ta ofrece ta te 50 mil florin contra un interes di 8,75%.