SMOA ta perde apelacion contra minister Hooyboer den caso maestro di hulandes

ORANJESTAD - Stichting Middelbaar Onderwijs Aruba (SMOA) a perde dos caso di apelacion contra minister di enseñansa den corte di apelacion di LAR. Ta trata casonan cu ta referi na pago di gasto di un docente di e materia Hulandes na Colegio Arubano cu ta data for di 2014. Corte di apelacion a dicidi e siman aki cu SMOA no ta haya rason den e apelacionan haci. 

E CASO

E caso ta data di october 2014 unda cu SMOA a dicidi di manda un peticion pa director di enseñansa pa reconsidera esaki. Sinembargo e director a informa SMOA cu e no por honra e peticion pa 'reconsidera'. Riba esaki SMOA a entrega un obhecion na corte di Lar riba e desicion di e director. Cinco luna despues SMOA a manda otro obhecion, pero e biaha aki uno protestando cu no a haya un desicion ainda di e obhecion inicial. Despues LAr a trata e casonan unda cu a duna SMOA rason pa e obhecion di tarsansa. Sinembargo a rechasa e obhecion riba e desicion di e director pa no 'reconsidera'. Corte a mustra cu a rechasa e peticion di obhecion mirando cu e director no tabata esun corecto pa contesta SMOA. Como tal, no por considera e 'rechaso' di e director como algo valido, pues e obhecion e ora contra e 'rechaso no valido' no tin valides tampoco. SMOA a bay den apelacion riba e caso aki, y esey a wordo trata recientemente. E sentencia pa e apelacion a cay e siman aki unda cu corte di apelacion a rechasa e peticion di SMOA un biaha mas. Lesa e veredicto aki.