Entre 9 pa 16 mm di awa a cay caba na Aruba awemainta

ORANJESTAD - Aunke e pronostico di ayera tabata describi e actividad actual, meteo kier añadi informacion adicional. Na e momentonan aki nos tin algun jobida riba isla di aruba cu den nan mayoria ta modera.  E tempo ta wordu causa pa un disturbio riba nivelnan mas halto di atmosfera combina cu humedad na e nivelnan mas abou. Cantidadnan di 10 pa localmente 25 mm a wordu midi caba.  

CANTIDAD DI AWA REGISTRA

Cantidadnan cu nos por duna na e momentonan aki , december 09 2016, ta:

Airport   9.6 mm

Hadicurari  10.2 mm

Ponton 12.7 mm

Seroe blanco 16.2 mm

MAS AWACERO 

Por  spera adicionalmente cantidadnan entre 3 pa 10 mm ahinda awe. e jobidanan lo por dura te cu e prome oranan di merdia despues di cual e lo stop parcialmente of totalmente.Sinembargo, mas laat den anochi i marduga i mainta di diasabra por tin algun jobida atrobe cu por bai compaña pa strena cu lamper caminda por spera  cantidadnan entre 10 pa 20mm. Localmente por tin molester cu inundacion ratu ratu na lugarnan di custumber ya cu e tera ta satura caba. Te cu awor e damnan ta wantando bon.