Locutor popular deteni pa acto inmoral cu menor di edad

ORANJESTAD - Husticia diaranson a detene e homber O. Jansen conocido locutor di e emisora Power FM, y a detene riba sospecho di a tene relacion sexual cu un menor di edad. Tanto abogado di e hoben locutor, esta Chris Lejuez como vocero di ministerio publico Ann Angela a confirma e detencion. "Si, ta berdad" ambos a bisa. Mirando e popularidad di e locutor, e noticia a plama hopi liher. 

POWER FM

Den caso di e emisora unda cu Jansen ta traha, e emisora a emito un relato cortico. "Nos emisora a tuma nota di e suseso lamentabel aki cu ta envolvi un colega di nos. Mientras cu Power FM no kier adelanta riba e hechos, prome cu e tin tur e detayes, ta condena cualkier acto illegal den cualkier forma cu e por ta, y den e caso aki esey no ta diferente. Pero prome cu pasa pa saca conclusion definitivo, Power FM ta laga autoridad haci su trabou di investigacion den e caso aki." Te aki e comentario di parti di e emisora.  E caso ta bou di investigacion.