Gobernador Refunjol cu ultimo bishita na Gabinete di Aruba den funcion

Gobernador Refunjol cu ultimo bishita na Gabinete di Aruba den funcion

Posted on 12/7/2016 5:37 pm AST | Updated on 12/7/2016 5:40 pm AST

DEN HAAG  –  Gobernador di Aruba S.E. Fredis Refunjol a haci awe diaranzon 7 di december un bishita oficial na Gabinete di Aruba. E bishita aki tin un nificacion special, como cu esaki ta e ultimo bishita di sr. Fredis Refunjol como Gobernador na Gabinete di Aruba. Gobernador Refunjol a keda ricibi pa Minister Plenipotenciario Juan David Yrausquin y personal di Gabinete di Minister Plenipotenciario. Gobernador di Aruba a wordo acompaña pa director di Gabinete di Gobernador sr. Rajen Budhu Lall y adjudante di Gobernador Reinier van der Zande.

Gobernador Refunjol a haci uso di e oportunidad pa gradici e personal di Gabinete di Aruba cu semper a dune un caluroso recepcion cada biaha cu e bishita nan. Sr. Refunjol a bisa cu esaki kisas ta su ultimo bishita oficial como Gobernador, pero no su ultimo bishita como Arubiano.

Gobernador Refunjol a conta con ela cuminsa den enseñansa y despues a drenta politico di cual ela sirbi hopi aña como minister y como statenlid. Desde prome di mei 2004 sr. Refunjol a keda nombra como Gobernador di Aruba. Na 2010 ela cuminsa cu su segundo periodo como Gobernador.

Por ultimo Gobernador Refunjol a felicita Juan David Yrausquin cu su nombracion como Minister Plenipotenciario di Aruba na Hulanda. Ela haci un apelacion na e personal pa duna nan sosten na sr. Yrausquin pa e por desplega su funcion na un manera exitoso.

Minister Yrausquin a gradici Gobernador pa su bunita palabranan y a bisa di ta spera cu aki rato cu e no ta Gobernador mas, nos por keda conta su bon consehonan, manera cu semper ela custumbra di duna.

Gobernador Refunjol na final di su bishita a entrega un regalo como aprecio pa e recepcion ameno na Gabinete di Aruba na minister Yrausquin.

  • Hulanda un biaha mas a pone geschillenregeling ‘on hold’

    Hulanda un biaha mas a pone geschillenregeling ‘on hold’

    DEN HAAG – Por lo pronto Aruba, Curaçao y Sint-Maarten no por conta cu un asina yama ‘geschillenregeling’, osea un huez independiente cu por atende disputa di e islanan cu Hulanda ora cu nan ta den desacuerdo cu decisionnan tuma na Den Haag. Esaki pasobra gobierno Hulandes a pone e asunto ‘on hold’. Asina secretario di estado Hulandes pa asuntonan di Reino Raymond Knops a declara. Pa e mandatario esey no ta un prioridad awor. Su atencion awor ta pa e reconstruccion di e island di St Maarten.

  • Bosman: Placa di gas of petroleo di Aruba mester paga debe prome

    Bosman: Placa di gas of petroleo di Aruba mester paga debe prome

    DEN HAAG/ORANJESTAD  – Si Aruba haya gas of petroleo den su subsuelo, e placa cu keda genera, mester wordo uza pa paga debe pendiente. Asina parlamentario Hulandes pa VVD (gobierno na mando na Hulanda) esta Andre Bosman ta pensa. E ta relaciona su informacion basa riba informacion di kico Aruba lo mester haci cu e placa. Un discusion cu tabata den prensa recientemente na Aruba.

  • Reduccion 50% college geld na Hulanda valido pa Aruba tambe

    Reduccion 50% college geld na Hulanda valido pa Aruba tambe

    DEN HAAG/ORANJESTAD – E reduccion di 50 % den estudio (college geld) na universidad nan Hulandes durante e prome aña di estudio, ta aplicable pa studiantenan di Aruba tambe ora cu nan bay Hulanda e aña aki. Asina minister Hulandes di enseñansa Ingrid van Engelshoven a bisa. Unabez cu Eerste y Tweede Kamer aproba e cambio e ley cu ta facilidad e reduccion di ‘college geld’, studiantenan nobo lo tin cu paga mitar so di e tarifa actual den e aña academico 2018-2019. Asina e portal di St Maarten Daily Herald ta raporta.

  • A elimina prohibicion pa ambtenaarnan Hulandes bula cu InselAir

    A elimina prohibicion pa ambtenaarnan Hulandes bula cu InselAir

    DEN HAAG/ WILLEMSTAD – E prohibicion pa ambtenaarnan Hulandes bula riba avionnan di InselAir Internacional a keda revoca. Asina minister Hulandes di infrastructura van Nieuwenhuizen a declara den un carta na presidente di Tweede Kamer di Hulanda awe. Motibo ta cu e autoridadnan competente a indica cu tur e motibonan pa preocupacion a keda elimina. Esey no kier men cu no tin mas control, pero cu mas bien lo tin un control continuo si. Pero mes momento, ambtenaarnan di Reino por bula atrobe cu e aerolinea.

  • Depresion hoben den comunidad Caribense ainda ta un taboo

    Depresion hoben den comunidad Caribense ainda ta un taboo

    AMERSFOORT – Generalmente studiante di Caribe no ta busca ayudo psicologico, mientras cu hopi biaha nan mester di dje si. Esaki Jean-Marie Molina, pedagogo y docente di exito di estudio na Hogeschool di Rotterdam ta conclui pa partner di NoticiaCla, Ret Karibense. Diariamente Molina ta guia studiante na Hulanda cu retraso den nan estudio ora di caba e estudio. Entre nan tin studiante caribense tambe, pero nan hopi biaha no ta contento cu ayudo psicologico segun Molina.

  • Eerste Kamer ta reuni riba refugiado Venezolano pa Aruba y Corsou

    Eerste Kamer ta reuni riba refugiado Venezolano pa Aruba y Corsou

    DEN HAAG – Preocupacion di gobierno Hulandes riba e situacion di refugiado Venezolano na Corsou y Aruba a aumenta. Asina e periodista Rene Zwart ta raporta. Esaki ta nifica cu diamars awor Eerste Kamer di Hulanda a pone e topico riba agenda pa tratamento. E ora e comisionan di senado di Relacionan di Reino y Imigracion y Asilo ta bin hunto pa ‘discuti’ e problema.

  • Powered by SETAR